PSM(News) ဧပြီ ၉၊ ၂၀၂၆ မကွေးတိုင်း၊ နတ်မောက်မြို့နယ်အတွင်း စစ်ကြောင်းထိုးလာသည့် စစ်ကော်မရှင်တပ်ဖွဲ့များကို ၈ ရက်တာအတွင်း အကြိမ်ကြိမ် ကြားဖြတ်တိုက်ခိုက်ခဲ့ရာ စစ်ကော်မရှင်ဘက်မှ ထိခိုက်သေဆုံးမှုများ ရှိသည့်အပြင် တိုက်ခိုက်ရေးဒရုန်းတစ်စင်းကိုပါ ပစ်ချသိမ်းဆည်းရရှိခဲ့ကြောင်း ပြည်သူ့လွတ်မြောက် ရေး တပ်မတော် (PLA) က ထုတ်ပြန်သည်။ PLA သည် ပြီးခဲ့သည့် ဧပြီ ၁ ရက်နေ့က ရမည်းသင်းမြို့နယ်၊ လွှစင်ကျေးရွာမှ ထွက်ခွာလာသော အင်အား ၈၀ ခန့်ပါ စစ်ကော်မရှင်စစ်ကြောင်းကို မကွေးတိုင်း၊ မြို့သစ်မြို့နယ်နှင့် နတ်မောက်မြို့နယ် အကြားတွင် မိနစ် ၃၀ ခန့်ကြာ ကြားဖြတ်တိုက်ခိုက်ခဲ့သည်။ ထိုသို့ကြားဖြတ်တိုက်ခိုက်ခဲ့ရာ စစ်ကော်မရှင်တပ်ဖွဲ့ဝင် အနည်းဆုံး သုံး ဦး ထိခိုက်မှုရှိနိုင်ကြောင်း PLA ရဲဘော်များ၏ မျက်မြင်ပြောဆိုချက်အရ သိရသည်။ ထို့နောက် ဧပြီ ၃ ရက်နေ့တွင် နတ်မောက်မြို့နယ်၊ ကျောက်အိုးကျေးရွာအနီး၌ အဆိုပါစစ်ကြောင်းကို ထပ်မံကြားဖြတ်တိုက်ခိုက်ခဲ့ရာ အနည်းဆုံး နှစ် ဦးထက်မနည်း ထိခိုက်ဒဏ်ရာရရှိခဲ့သည်။ ပြီးခဲ့သည့် ဧပြီ ၇ ရက်နေ့ကလည်း နတ်မောက်မြို့နယ်၊ ကန်သာကျေးရွာအနီး၌ စစ်ကော်မရှင် စစ်ကြောင်းကို ကြားဖြတ်တိုက်ခိုက်စဉ် စစ်ကော်မရှင်ဘက်မှ ဒရုန်းဖြင့် ဗုံးသီးချတိုက်ခိုက်ခဲ့သဖြင့် အဆိုပါ တိုက်ခိုက်ရေးဒရုန်းကို PLA က ပစ်ချနိုင်ခဲ့ပြီး သိမ်းဆည်းရရှိခဲ့သည်။ ၈ ရက်တာအတွင်း ဖြစ်ပွားခဲ့သော တိုက်ပွဲများအတွင်း စစ်ကော်မရှင်ထံမှ တိုက်ခိုက်ရေးဒရုန်းတစ်စင်း၊ ဆေးဝါးများ၊ ခဲယမ်းနှင့် စစ်အသုံးအဆောင်ပစ္စည်းအချို့ကို သိမ်းဆည်းရရှိခဲ့ကြောင်း PLA က အတည်ပြုထုတ်ပြန်ထားသည်။ ဓာတ်ပုံ-PLA Post navigation KNU ဖားအံခရိုင်အကျဉ်းထောင်မှ မိသားစုများ ပြန်လည်ပေါင်းစည်းနိုင်ရန်ရည်ရွယ်၍ နှစ်သစ်ကူး သင်္ကြန်အမီ အကျဉ်းသား ၃၈ ဦးကို လွတ်ငြိမ်းခွင့်ပြု မြန်မာနှစ်ဆန်းတစ်ရက်နေ့တွင် လူထုခေါင်းဆောင်နှင့် နိုင်ငံရေးအကျဉ်းသားများအတွက် ဆုတောင်း မေတ္တာပို့သကြရန် NLD လူငယ်များ တိုက်တွန်း
