PSM (News) ဇူလိုင် ၂၆၊၂၀၂၆ သောကြာနေ့က အနောက်တောင်ပြင်သစ်တွင် တောမီးများကြောင့် လူဆယ်သောင်းကျော်မှာ ကားများ၊ လှေများဖြင့် ဘေးလွတ်ရာသို့ ထွက်ပြေးတိမ်းရှောင်ခဲ့ကြရပြီး စပိန်နိုင်ငံတွင်လည်း မက်ဒရစ်မြို့အပြင်ဘက်၌ ဧရာမတောမီးကြီးများ ပေါင်းစပ်လောင်ကျွမ်းကာ ပြင်းထန်သော အပူလှိုင်းဒဏ်ကြောင့် ဒေသတွင်း၌ မီးလောင်လွယ်သည့် အခြေအနေများ ဖန်တီးလာခဲ့ခြင်းကြောင့် အမျိုးသားအရေးပေါ်အခြေအနေ ကြေညာခဲ့သည်။ မက်ဒရစ်မြို့အပြင်ဘက်တွင် မီးလောင်နေသော မီးကြီးနှစ်ခုနှင့် ပေါင်းစပ်သွားရန် အလွန်နီးစပ်နေသည့် တတိယမြောက် မီးတစ်ရပ် ထပ်မံဖြစ်ပွားနေကြောင်း အစိုးရအရာရှိများက ပြောကြားခဲ့သည်။ ရာသီဥတုဖောက်ပြန်မှုကြောင့် မီးလောင်ကျွမ်းမှုများနှင့် အပူလှိုင်းဒဏ်များကို လွန်ခဲ့သည့်လများနှင့် နှစ်များအတွင်း အဆက်မပြတ် ခံစားခဲ့ကြရပြီး ယခုအခါတွင်လည်း အရေးပေါ်ဝန်ဆောင်မှုများကို အလွန်အမင်း ဖိစီးမှုဖြစ်စေနေသဖြင့် နိုင်ငံနှစ်ခုစလုံးက ဥရောပသမဂ္ဂ (EU) ထံ အကူအညီများ တောင်းခံခဲ့ကြသည်။ စပိန်နိုင်ငံ၏ အမျိုးသားအရေးပေါ်အခြေအနေ ကြေညာမှုမှာ တောမီးလောင်ကျွမ်းမှုနှင့် စပ်လျဉ်း၍ ၎င်းတို့သမိုင်းတွင် ပထမဆုံးအကြိမ် ကြေညာခြင်းဖြစ်ပြီး ယခုကဲ့သို့ အကျပ်အတည်းကို ကိုင်တွယ်ဖြေရှင်းရန် ဖက်ဒရယ်ရန်ပုံငွေများကို ပံ့ပိုးပေးနိုင်မည်ဖြစ်သည်။ မက်ဒရစ်မြို့၏ ဒေသဆိုင်ရာခေါင်းဆောင် အီဆာဘယ် ဒီယက်ဇ် အာယူဆိုက မီးများပေါင်းစပ်သွားပြီဖြစ်ကြောင်း သတင်းထောက်များကို ပြောကြားပြီးနောက် “ဒါဟာ ကျွန်တော်တို့ ဒေသရဲ့ သမိုင်းမှာ အဆိုးရွားဆုံး တောမီးလောင်ကျွမ်းမှုပါပဲ” ဟု ပြောကြားခဲ့သည်။ “အလွန်မြင့်မားတဲ့ အပူချိန်တွေနဲ့ ဘယ်လိုမှ တိတ်ဆိတ်မသွားတဲ့ လေပြင်းတွေ တိုက်ခတ်နေမှုတွေ ပေါင်းစပ်သွားတဲ့ အကောင်းဆုံးသော ဆိုးရွားတဲ့ အခြေအနေတစ်ခုပါပဲ” ဟု ၎င်းက ဖြည့်စွက်ပြောဆိုခဲ့သည်။ ကိုးကား-Reuters Post navigation လူငယ်များ၏ ပြင်းထန်သောဆန္ဒပြတောင်းဆိုမှုများကြောင့် အိန္ဒိယပညာရေးဝန်ကြီး ရာထူးမှ နုတ်ထွက် အစ္စရေးအခြေချနေထိုင်သူများ ပါဝင်သော ပစ်ခတ်မှုဖြစ်ပွားပြီးနောက် အနောက်ဘက်ကမ်းဒေသရှိ ရွာတစ်ရွာတွင် အစ္စရေးတပ်ဖွဲ့များက ပါလက်စတိုင်းများကို ဖမ်းဆီးရွှေ့ပြောင်းမှုများလုပ်ဆောင်
