PSM (News) ဇူလိုင် ၂၆၊ ၂၀၂၆ အိန္ဒိယနိုင်ငံ၏ ဆေးတက္ကသိုလ်ဝင်ခွင့် စာမေးပွဲမေးခွန်း ပေါက်ကြားမှုများနှင့် လူငယ်များ၏ ပြင်းထန်သော ဆန္ဒပြတောင်းဆိုမှုများကြောင့် ပညာရေးဝန်ကြီး ဒါမန်ဒရာ ပရာဒန် သည် ရာထူးမှ နုတ်ထွက်သွားပြီဖြစ်ကြောင်း စနေနေ့တွင် ကြေညာခဲ့သည်။ ယခုကဲ့သို့ နုတ်ထွက်ခြင်းမှာ ဝန်ကြီးချုပ် နာရင်ဒရာ မိုဒီ၏ အစိုးရအဖွဲ့အတွက် ကြီးမားသော နိုင်ငံရေးအရ အရေးနိမ့်မှုတစ်ခု ဖြစ်လာခဲ့သည်။ ဤဆန္ဒပြလှုပ်ရှားမှုကို အွန်လိုင်းတွင် စတင်ခဲ့ပြီး နောက်ပိုင်း၌ နိုင်ငံလုံးဆိုင်ရာ လူထုလှုပ်ရှားမှုအဖြစ်သို့ အသွင်ပြောင်းလာခဲ့သည့် “ပိုးဟပ် ပြည်သူ့ပါတီ” (Cockroach Janta Party – CJP) က ဦးဆောင်ခဲ့ခြင်းဖြစ်သည်။ CJP တည်ထောင်သူ အဘီဂျစ် ဒစ်ပ်ကေးက ဝန်ကြီး၏ နုတ်ထွက်မှုကို ကြိုဆိုခဲ့သော်လည်း စာမေးပွဲကြောင့် ကိုယ့်ကိုယ်ကိုယ် အဆုံးစီရင်သွားကြသည့် ကျောင်းသားမိသားစုများအတွက် ထိုက်တန်သော လျော်ကြေးပေးရန်နှင့် ဆန္ဒပြပွဲများကို အကြမ်းဖက်ဖြိုခွဲခဲ့သည့် ရဲတပ်ဖွဲ့ဝင်များကို အရေးယူပေးရန် အပါအဝင် အဓိက တောင်းဆိုချက်များ ကျန်ရှိနေသေးကြောင်း ပြောကြားခဲ့သည်။ ဝေဖန်ရေးသမားများကမူ ဤဆန္ဒပြမှုနှင့် ဝန်ကြီး၏ နုတ်ထွက်ရခြင်းတို့သည် အိန္ဒိယနိုင်ငံ၏ မြင့်မားလာသော လူငယ်အလုပ်လက်မဲ့ပြဿနာနှင့် စာမေးပွဲစနစ်အပေါ် လူငယ်ထု၏ လေးနက်သော မကျေနပ်ချက်များကို ပေါ်လွင်စေသည်ဟု သုံးသပ်ကြသည်။ ကိုးကား-CNN Post navigation အနောက်ဘက်ကမ်းဒေသ ပစ်ခတ်မှုကြောင့် အစ္စရေး ၂ ဦးနှင့် ပါလက်စတိုင်း ၄ ဦး သေဆုံး စပိန်နိုင်ငံ၊မက်ဒရစ်မြို့အပြင်ဘက်တွင် တောမီးများ ပေါင်းစပ်လောင်ကျွမ်းလျက်ရှိ
