PSM (News) ဩဂုတ် ၁၇၊၂၀၂၆ အမေရိကန်နိုင်ငံ၊ အင်ဒီယားနားပြည်နယ်တွင် ပြင်းထန်သော မုန်တိုင်းနှင့် ရေဘေးဒဏ်ကြောင့် အသက် ၄ နှစ်အရွယ် ကလေးငယ် အပါအဝင် လူ ခြောက်ဦး သေဆုံးခဲ့ကြောင်း ပြည်နယ်အစိုးရ တာဝန်ရှိသူများက စနေနေ့တွင် ထုတ်ပြန်ကြေညာခဲ့သည်။ ယခုကဲ့သို့ မုန်တိုင်းစတင်တိုက်ခတ်ခဲ့သည့် အင်္ဂါနေ့မှစတင်ကာ အဆိုပါ ကလေးငယ်အပြင် အမျိုးသမီး သုံးဦးနှင့် အမျိုးသား နှစ်ဦး သေဆုံးခဲ့ကြောင်း အင်ဒီယားနားပြည်နယ် အရေးပေါ် လုပ်ငန်းလည်ပတ်ရေးဗဟိုဌာနက ပြောကြားခဲ့သည်။ ဒယ်လာဝဲကောင်တီတွင် နှစ်ဦးသေဆုံးခဲ့ပြီးဂျက်နင်းစ်ကောင်တီလိတ်ကောင်တီ၊ပေါ်တာကောင်တီနှင့်လာပေါ်တေးကောင်တီတို့တွင် တစ်ဦးစီ သေဆုံးခဲ့ကြောင်း အဆိုပါဗဟိုဌာနက ဆိုသည်။ အင်္ဂါနေ့က မုန်တိုင်းများသည် အီလီနွိုက်၊ အင်ဒီယားနား၊ အိုဟိုင်းအိုးနှင့် ကန်တပ်ကီ ပြည်နယ်များအတွင်းသို့ ဖြတ်သန်းတိုက်ခတ်ခဲ့စဉ် လျှပ်စစ်မီးသုံးစွဲသူ တစ်သန်းနီးပါး မီးပြတ်တောက်မှုနှင့် ကြုံတွေ့ခဲ့ရသည်။ ကိုးကား-Reuters Post navigation ရုရှားနိုင်ငံအပေါ် ယူကရိန်း၏ အကြီးမားဆုံးဒရုန်းတိုက်ခိုက်မှုများပြုလုပ်ခဲ့ရာလူအမြောက်အမြား သေဆုံး သမ္မတထရမ့်၏ အမိန့်ကြောင့် တောင်ကိုရီးယားနှင့် ပူးတွဲစစ်ရေးလေ့ကျင့်မှုများကို လျှော့ချရန် ပင်တဂွန်စစ်ဌာနချုပ် ညွှန်ကြားခံရ
