တန့်ဆည်ရှိ ဘုန်းကြီးကျောင်းကို တံတားဦးမှတက်လာသည့် တိုက်ခိုက်ရေးလေယာဉ်များဖြင့် ဗုံးကြဲ၊ ကိုရင်ငယ်တစ်ပါးအပါအဝင် ၆ ဦး သေဆုံး

PSM(News)

ဇန်နဝါရီ ၅၊ ၂၀၂၆

စစ်ကိုင်းတိုင်း၊ တန့်ဆည်မြို့နယ်မြောက်ပိုင်းရှိ သစ္စေးကုန်းကျေးရွာ ဘုန်းကြီးကျောင်းကို စစ်ကော်မရှင်က ယနေ့ ဖေဖော်ဝါရီ ၅ ရက် နံနက်ပိုင်းတွင် လေကြောင်းမှ ဗုံးကြဲတိုက်ခိုက်ခဲ့ရာ ကိုရင်တစ်ပါးအပါအဝင် အရပ်သား ခြောက် ဦးထက်မနည်း သေဆုံးပြီး အများအပြား ဒဏ်ရာရရှိခဲ့ကြောင်း သိရသည်။

စစ်ကော်မရှင်၏ မန္တလေး၊ တံတားဦးလေတပ်စခန်းမှ တက်လာသည့် A-5 အမျိုးအစား တိုက်ခိုက်ရေးလေယာဉ် နှစ်စင်းဖြင့် ဗုံးကြဲချခဲ့ခြင်းဖြစ်ပြီး ကျေးရွာအတွင်း၌ မပေါက်ကွဲသေးသည့် ဗုံးတစ်လုံးလည်း ကျန်ရှိနေကြောင်း မြေပြင်သတင်းရင်းမြစ်ထံမှ သိရသည်။

ယခုတိုက်ခိုက်မှုသည် ထိတွေ့တိုက်ပွဲဖြစ်ပွားခြင်းမရှိဘဲ စစ်ဘေးရှောင်များ ခိုလှုံနေသည့် ဘုန်းကြီးကျောင်းကို ပစ်မှတ်ထားတိုက်ခိုက်ခဲ့ခြင်းဖြစ်ပြီး ဗုံးဒဏ်ကြောင့် အချို့မှာ အလောင်းပင် ရှာမရတော့သည့်အထိ ရုပ်ပျက်ဆင်းပျက် သေဆုံးခဲ့ရကြောင်း ဒေသခံများထံမှ သိရသည်။

ဓာတ်ပုံ-CJ

#တန့်ဆည်

#တံတားဦးလေတပ်

#A5တိုက်ခိုက်ရေးလေယာဉ်

#လေကြောင်းတိုက်ခိုက်မှု

#စစ်ကိုင်း

#PSM_News