ပခုက္ကူ တပ်မ ၁၀၁ လက်အောက်ခံ တပ်သား ၅ ဦး ကား ၁စီးအပါအဝင် လက်နက်များနှင့် တကွ အလင်းဝင်

PSM(News)

ဧပြီ ၂၉၊၂၀၂၆

မကွေးတိုင်း၊ ပခုက္ကူမြို့နယ် တပ်မ (၁၀၁) လက်အောက်ခံ တပ်ဖွဲ့ဝင် ငါးဦးသည် လက်နက်များနှင့်တကွ အ လင်းဝင်ရောက်လာခဲ့ကြောင်း ပခုက္ကူခရိုင် အမှတ်(၈)တပ်ရင်းက သတင်းထုတ်ပြန်သည်။

ပခုက္ကူမြို့၊ တပ်မ(၁၀၁) လက်အောက်ခံ တပ်သား ငါးဦးသည် ပြီးခဲ့သည့် ဧပြီ ၁၄ရက်နေ့က Crown ကားတစ်စီး ၊ MA-1 တစ်လက် ၊ MA-2 တစ်လက် ၊ MA-3 နှစ်လက် ၊ MA-4 တစ်လက် ၊ ၅.၅၆ ကျည် ၈၁၆တောင့် ၊ MA ကျည်ဘောက် ၂၄ဘောက်အပါအဝင် အခြားပစ္စည်းများနှင့် အလင်းဝင်ရောက်လာခြင်း ဖြစ်ကြောင်း သိရသည်။

အဆိုပါအလင်းဝင်ရောက်လာသူများကို ဆုကြေးငွေများချီးမြှင့်ခဲ့ကြောင်း ဓာတ်ပုံမှတ်တမ်းများနှင့်တကွ ထုတ်ပြန်ထားသည်။

ဓာတ်ပုံ-ပခုက္ကူခရိုင်အမှတ်(၈)တပ်ရင်း။