ပုဂံ-ညောင်ဦး-ကျောက်ပန်းတောင်းလမ်းပိုင်းတွင် စစ်ကော်မရှင်ပတ်ကင်းကား တိုက်ခိုက်ခံရပြီး ၄ဦးသေဆုံး

PSM(NEWS)

ဖေဖော်ဝါရီ ၂၈၊ ၂၀၂၆

ပုဂံ-ညောင်ဦး-ကျောက်ပန်းတောင်းလမ်းပိုင်းတွင် စစ်ကော်မရှင်ပတ်ကင်းကားကို ပြောက်ကျားတိုက်ခိုက်ရာ စစ်ကော်မရှင်တပ်သား ၄ဦးသေဆုံးကြောင်း ပခုက္ကူမြို့နယ် ပြည်သူ့ကာကွယ်ရေးအဖွဲ့(ပ.က.ဖ) Pakokku Special Task Forceက သတင်းထုတ်ပြန်သည်။

၊ဖေဖော်ဝါရီလ ၂၇ရက်နေ့တွင် ပုဂံညောင်ဦးမြို့ တပ်မ(၄၁၅)မှထွက်ခွာလာသည့် စစ်ကော်မရှင် တပ်သားများ လိုက်ပါစီးနင်းလာသည့် ပတ်ကင်းကားကို ရဲဘော်ဒီးနှင့် ရဲဘော်ပုဂံကြီး ဦးဆောင်သည့် တပ်စိပ်၂စိပ်မှ ပုဂံ-ညောင်ဦး-ကျောက်ပန်းတောင်းလမ်းပိုင်း ဝါးခင်းကြီးချောင်းနားအရောက်တွင် ​ပြောက်ကျားစနစ်ဖြင့် ကြားဖြတ်တိုက်ခိုက်ခဲ့ခြင်းဖြစ်သည်။

တိုက်ပွဲကြာချိန် မိနစ် ၂၀ခန့် ကြာမြင့်ပြီး စစ်ကော်မရှင် တပ်သား ၄ဦး သေဆုံးပြီး MA 3 သေနတ်၂လက်၊ကာဘိုင် ၂က် နှင့် ကျည်အများအပြားသိမ်းဆည်းရမိခဲ့သည်ဟု သိရသည်။

အဆိုပါတိုက်ခိုက်မှုကို Pakokku Special Task Force (ပခုက္ကူမြို့နယ်ပြည်သူ့ကာကွယ်ရေး တပ်ဖွဲ့ ပကဖ)၊Bagan Nyaung Oo Special Task Force အဖွဲ့နှင့် မကွေးတိုင်းပကဖ အမှတ်(၄) အထူးလှုပ်ရှားစစ်ကြောင်း တို့မှ ပူးပေါင်း တိုက်ခိုက်ခဲ့ခြင်းဖြစ်ကြောင်း သိရသည်။

#PSM

#ပုဂံညောင်ဦး

#ပြောက်ကျားတိုက်ခိုက်