မက္ကဆီကိုသမ္မတအားမူးယစ်ဂိုဏ်းများက ထိန်းချုပ်ထားသည်ဟု အီလွန်မတ်စ်၏ စွပ်စွဲချက်အပေါ် သမ္မတက တရားစွဲဆိုရန် ခြိမ်းခြောက်

PSM(NEWS)

ဖေဖော်ဝါရီ ၂၆၊ ၂၀၂၆

မက္ကဆီကိုသမ္မတ ကလော်ဒီယာ ရှိန်းဘမ်း ကသူမအားမူးယစ်ဂိုဏ်းများကထိန်းချုပ်ထားသည်ဟု စွပ်စွဲခဲ့သည့် အီလွန်မတ်စ် ကို ဥပဒေကြောင်းအရအရေးယူရန်စဉ်းစားနေကြောင်း သတင်းထုတ်ပြန်ခဲ့သည်။

အီလွန်မတ်စ်က ၎င်းX လူမှုကွန်ရက်တွင် မက္ကဆီကိုသမ္မတသည်မူးယစ်ဂိုဏ်းခေါင်းဆောင်များခိုင်းသည့်အတိုင်းပြောဆိုနေခြင်းဖြစ်သည်ဟု “အခြေအမြစ်မရှိ”စွပ်စွဲခဲ့သည်။

မက္ကဆီကို စစ်တပ်က နာမည်ကျော် CJNG မူးယစ်ဂိုဏ်းခေါင်းဆောင် အယ်လ်မန်ချို ) ကို သတ်ဖြတ်နိုင်ခဲ့ပြီးနောက် ယခုလို စွပ်စွဲချက်များ ထွက်ပေါ်လာခြင်းဖြစ်သည်။

သမ္မတ၏ တုံ့ပြန်မှု: ၎င်းစွပ်စွဲချက်များသည် “ရယ်စရာကောင်းပြီး အဓိပ္ပာယ်မရှိ” ကြောင်း၊ လက်ရှိတွင် အစိုးရရှေ့နေများက တရားစွဲဆိုရန် ရှိ၊ မရှိ သုံးသပ်နေကြောင်း သမ္မတ ကလော်ဒီယာ ရှိန်းဘမ်းက ပြောကြားခဲ့သည်။

ဥပဒေရေးရာ အခက်အခဲ: အမေရိကန်၏ လွတ်လပ်စွာ ပြောဆိုခွင့်ဥပဒေများကြောင့် အီလွန်မတ်စ်ကိုအသရေဖျက်မှုဖြင့်အနိုင်ရရန် ခက်ခဲနိုင်ကြောင်း သုံးသပ်ကြသည်။

အမေရိကန်သမ္မတ ဒေါ်နယ်ထရန့် ကလည်း မက္ကဆီကိုရှိ မူးယစ်ဂိုဏ်းများကို နှိမ်နင်းရန် စစ်ရေးအရအရေးယူမည်ဟုခြိမ်းခြောက်ထားသဖြင့် နှစ်နိုင်ငံဆက်ဆံရေး တင်းမာနေသည့် အချိန်လည်း ဖြစ်သည်။

ကိုးကား The Independent

#မက္ကဆီကိုသမ္မတ

#မူးယစ်ဂိုဏ်း

#အီလွန်မတ်စ်

#စွပ်စွဲချက်

#တရားစွဲဆိုရန်_ခြိမ်းခြောက်

#PSM_News