PSM (News) ဩဂုတ် ၁၉၊၂၀၂၆ အင်္ဂလိပ် ရေလက်ကြားကို ဖြတ်ကူးရန် ကြိုးပမ်းစဉ်အတွင်း လေသွင်းထားသည့် ရာဘာလှေတစ်စင်း စက်ချို့ယွင်းပျက်စီးသွားခဲ့သဖြင့် ပြင်သစ်အာဏာပိုင်များက ခိုလှုံခွင့်ရှာဖွေသူ ဒုက္ခသည် ၉၆ ဦးကို ကယ်တင်နိုင်ခဲ့ကြောင်း တာဝန်ရှိသူများက ပြောကြားခဲ့သည်။ တနင်္လာနေ့ နံနက်ပိုင်းက ပြင်သစ်ကမ်းရိုးတန်းမှ ထွက်ခွာလာပြီးနောက် ယခုကဲ့သို့ မတော်တဆမှု ဖြစ်ပွားခဲ့ခြင်းဖြစ်ပြီး၊ လူ ၃၀ ခန့်မှာ ပင်လယ်ပြင်အတွင်း ရောက်ရှိနေခဲ့ကာ အချို့မှာ ရေစီးသန်ခြင်းကြောင့် အခက်အခဲများနှင့် ရင်ဆိုင်ခဲ့ရသည်။ အရေးပေါ် ကယ်ဆယ်ရေးအဖွဲ့များက ရဟတ်ယာဉ်ဖြင့် လေးဦးကို ကယ်တင်ခဲ့ပြီး၊ ကယ်ဆယ်ရေးလှေတစ်စင်းက အခြားခြောက်ဦးကို ဆယ်ယူခဲ့ကာ ဒုက္ခသည်များအားလုံးကို ဗူလွန်း-ဆာ-မဲ (Boulogne-sur-Mer) ဆိပ်ကမ်းသို့ ပို့ဆောင်ပေးခဲ့သည်။ ပြည်ထဲရေး ဝန်ကြီးဌာန၏ စာရင်းဇယားများအရ တနင်္လာနေ့ တစ်ရက်တည်းတွင်ပင် လှေသုံးစင်းဖြင့် ရေလက်ကြားကို ဖြတ်ကူးခဲ့သူ ၂၅၀ ရှိကြောင်း သိရသည်။ လူကုန်ကူးဂိုဏ်းများသည် လှေတစ်စင်းချင်းစီတွင် လူဦးရေ ပိုမိုကျပ်သိပ်တင်ဆောင်လာကြသည့် ဖြစ်စဉ်များ မကြာသေးမီ ရက်သတ္တပတ်အနည်းငယ်အတွင်း ပိုမိုများပြားလာခဲ့ပြီး၊ ယခုလအစောပိုင်းကလည်း လှေတစ်စင်းတည်းတွင် လူပေါင်း စံချိန်တင် ၂၃၀ အထိ တင်ဆောင်ခဲ့ဖူးသည်။ ဝန်ကြီးချုပ် အန်ဒီဘားနမ်ကမူ ဤကဲ့သို့သော လူကုန်ကူးကွန်ရက်များကို ထိရောက်စွာ တိုက်ဖျက်နိုင်ရန်အတွက် နည်းဗျူဟာများ ပြောင်းလဲသွားမည်ဖြစ်ကြောင်း ကတိပြုပြောကြားထားသည်။ ကိုးကား-The Independent Post navigation ဂရိနိုင်ငံ၊ ဆစ်ဖ်နော့စ်ကျွန်းတွင် ရဟတ်ယာဉ် ပျက်ကျမှုကြောင့် ပျားရည်ဆမ်းခရီးသွား ဗြိတိသျှစုံတွဲနှင့် လေယာဉ်မှူး သေဆုံး ထိုင်းနိုင်ငံ၊ဘန်ကောက်မြို့၊ ဒင်ဒိန်းခရိုင်ရှိ သစ်သားအိမ်ရာ လူနေရပ်ကွက်တွင် မီးလောင်မှုဖြစ်ပွားပြီး နေအိမ် ၄ လုံးမှ ၅ လုံးခန့် ပျက်စီး
