ပစိဖိတ်အရှေ့ပိုင်းနှင့် ကာရစ်ဘီယံပင်လယ်ပြင်တို့တွင် အမေရိကန်၏ တိုက်ခိုက်မှုကြောင့် လူ ၁၁ ဦး သေဆုံး

PSM(NEWS)

ဖေဖော်ဝါရီ ၁၈၊ ၂၀၂၆

အမေရိကန် တောင်ပိုင်းစစ်ဌာနချုပ် (U.S. Southern Command) သည် ပစိဖိတ်သမုဒ္ဒရာ အရှေ့ပိုင်းနှင့် ကာရစ်ဘီယံ ပင်လယ်ပြင်တို့ရှိ ရေယာဉ်အချို့ကို တိုက်ခိုက်မှု သုံးကြိမ် ပြုလုပ်ခဲ့ရာ လူ ၁၁ ဦး သေဆုံးခဲ့ကြောင်း အင်္ဂါနေ့တွင် သတင်းထုတ်ပြန်ခဲ့သည်။

အမေရိကန် စစ်တပ်၏ ထုတ်ပြန်ချက်အရ ပထမအကြိမ် တိုက်ခိုက်မှုတွင် ၄ ဦး၊ ဒုတိယအကြိမ်တွင် ၄ ဦးနှင့် နောက်ဆုံးအကြိမ် တိုက်ခိုက်မှုတွင် ၃ ဦး အသီးသီး သေဆုံးခဲ့ခြင်း ဖြစ်သည်။

“အဆိုပါ ရေယာဉ်တွေဟာ လူသိများတဲ့ မူးယစ်ဆေးဝါး မှောင်ခိုလမ်းကြောင်းတွေအတိုင်း သွားလာနေပြီး မူးယစ်ဆေးဝါး သယ်ယူပို့ဆောင်ရေး လုပ်ငန်းတွေမှာ ပါဝင်ပတ်သက်နေတယ်ဆိုတာကို ထောက်လှမ်းရေး သတင်းတွေအရ အတည်ပြုနိုင်ခဲ့ပါတယ်” ဟု ဆောက်သ်ကွန်း (SOUTHCOM) က X လူမှုကွန်ရက်တွင် ရေးသားဖော်ပြခဲ့သည်။

ကိုးကား Reuters

#မူးယစ်ဆေးဝါးမှောင်ခို

#တိုက်ခိုက်မှု

#ကာရစ်ဘီယံပင်လယ်ပြင်

#အမေရိကန်

#လူ_၁၁_ဦး_သေဆုံး