PSM (News) ဇူလိုင် ၁၇၊ ၂၀၂၆ ၂၀၀၇ ခုနှစ်၊ ဘာစီလိုနာအသင်း၏ Camp Nou ကွင်းရှိ အဝတ်လဲခန်း၌ လီယွန်နယ် မက်ဆီသည် ကလေးငယ် လာမင်း ယာမားလ်ကို ရေချိုးပေးနေပုံကို တွေ့မြင်နိုင်သည်။ ဘောလုံးလောက၏ သမိုင်းတစ်လျှောက် အကောင်းဆုံးကစားသမား လီယွန်နယ် မက်ဆီနှင့် သူ၏နေရာကို ဆက်ခံမည့် ဘာစီလိုနာအသင်း၏ တောင်ပံကစားသမား လာမင်း ယာမားလ်တို့သည် လာမည့် တနင်္ဂနွေနေ့တွင် ကျင်းပမည့် ကမ္ဘာ့ဖလား ဗိုလ်လုပွဲ၌ အာဂျင်တီးနားနှင့် စပိန်တို့ ယှဉ်ပြိုင်ချိန်တွင် ပထမဆုံးအကြိမ်အဖြစ် ထိပ်တိုက်တွေ့ဆုံကြတော့မည် ဖြစ်သည်။ လက်ရှိတွင် လီယွန်နယ် မက်ဆီမှာ အသက် ၃၉ နှစ်ရှိပြီဖြစ်ပြီး လာမင်း ယာမားလ်မှာ အသက် ၁၉ နှစ်သာ ရှိသေးသည်။ ၎င်းတို့နှစ်ဦး ပွဲတစ်ပွဲတည်းတွင် ပါဝင်ကစားနိုင်ခြင်းမှာ လီယွန်နယ် မက်ဆီ၏ မလျှော့သောဇွဲနှင့် လာမင်း ယာမားလ်၏ ငယ်ရွယ်စဉ်ကတည်းက ထူးချွန်သော အရည်အချင်းတို့ကြောင့်ပင် ဖြစ်သည်။ သို့သော် ဤတွေ့ဆုံမှုမှာ ၎င်းတို့နှစ်ဦး၏ ပထမဆုံးတွေ့ဆုံမှု မဟုတ်ပေ။ ၂၀၀၇ ခုနှစ်၊ လီယွန်နယ် မက်ဆီ ဘာစီလိုနာအသင်းတွင် ပုံမှန်ကစားသမားအဖြစ် စတင်နေရာယူချိန်၌ လာမင်း ယာမားလ်မှာ အသက် ၅ လသာ ရှိသေးသည်။ ဓာတ်ပုံဆရာ ဂျိုအန် မွန်ဖို့ဒ်ရိုက်ကူးထားသည့် ဓာတ်ပုံများတွင် အပြုံးကိုယ်စီဖြင့် လီယွန်နယ် မက်ဆီသည် ကလေးငယ် လာမင်း ယာမားလ်ကို ပွေ့ချီရေချိုးပေးနေသည်။ နှစ်ပေါင်း ၂၀ နီးပါးကြာမှ ဤဓာတ်ပုံများ ပြန်လည်ပေါ်ပေါက်လာခြင်းမှာ “ကံကြမ္မာ၏ အံ့ဖွယ်တမန်တော်” ဖြစ်ကြောင်း မွန်ဖို့ဒ်က BBC သို့ ပြောကြားခဲ့သည်။ ကိုးကား-BBC Post navigation လန်ဒန်မြို့လယ်တွင် အင်္ဂလန်ပရိသတ်များ ဝိုင်းရံခံရသည့် အာဂျင်တီးနားပရိသတ်ကို ရဲတပ်ဖွဲ့က ကယ်တင် တက္ကဆက်ပြည်နယ်တွင် မိုးသည်းထန်စွာရွာသွန်းပြီး ရေကြီးရေလျှံမှုများ ဖြစ်ပွား၊ ဒေသခံများကို ကယ်ဆယ်ရေးလုပ်ငန်းများ လုပ်ဆောင်နေ
