PSM(NEWS)ဖေဖော်ဝါရီ ၁၂၊ ၂၀၂၆ ကနေဒါနိုင်ငံ၊ ဗြိတိသျှ ကိုလံဘီယာ ပြည်နယ်ရှိ စာသင်ကျောင်းတစ်ခုအတွင်းသေနတ်ဖြင့်ပစ်ခတ်မှုကြောင့်လူ၇ဦးသေဆုံးခဲ့ပြီး၊အနီးနားရှိနေအိမ်တစ်လုံးတွင်လည်း နောက်ထပ် လူ ၂ဦး၏ရုပ်အလောင်းများကို ထပ်မံတွေ့ရှိခဲ့ကြောင်း ကနေဒါအာဏာပိုင်များက အင်္ဂါနေ့တွင်အတည်ပြုပြောကြားခဲ့သည်။ ရဲတပ်ဖွဲ့ကသေနတ်သမားဟုယူဆရသည့်အမျိုးသမီးတစ်ဦးသည်လည်းအခင်းဖြစ်ပွားရာနေရာတွင် သေဆုံးသွားခဲ့ပြီဖြစ်ရာ ယခုဖြစ်စဉ်အတွင်း စုစုပေါင်း သေဆုံးသူ ၁၀ ဦးအထိ ရှိလာခဲ့သည်။ တော်ဝင်ကနေဒါမြင်းစီးရဲတပ်ဖွဲ့ (RCMP) ၏ ထုတ်ပြန်ချက်အရ ပစ်ခတ်မှုသည် ဒေသစံတော်ချိန် အင်္ဂါနေ့ နံနက်ပိုင်းတွင် စတင်ခဲ့ခြင်းဖြစ်ပြီး ရဲတပ်ဖွဲ့ဝင်များ အခင်းဖြစ်ပွားရာ ကျောင်းသို့ ရောက်ရှိလာချိန်တွင် သေဆုံးသူများနှင့် ဒဏ်ရာရရှိသူအချို့ကို တွေ့ရှိခဲ့ရခြင်း ဖြစ်သည်။ လက်ရှိအချိန်အထိ တိုက်ခိုက်မှုဖြစ်ပွားရသည့် အကြောင်းရင်းကိုရှင်းလင်းစွာမသိရသေးဘဲစုံစမ်းစစ်ဆေးမှုများကိုအရှိန်အဟုန်ဖြင့်ဆောင်ရွက်နေကြောင်း အာဏာပိုင်များက ဆိုသည်။ ယခုဖြစ်စဉ်သည် ကနေဒါနိုင်ငံ၏ သမိုင်းတစ်လျှောက် အဆိုးရွားဆုံး အစုလိုက်အပြုံလိုက် သတ်ဖြတ်မှုဖြစ်စဉ်များထဲမှ တစ်ခုအဖြစ် မှတ်တမ်းဝင်သွားခဲ့သည်။ ကိုးကား Reuters PSM_News ကနေဒါ အဆိုးရွားဆုံး အစုလိုက်အပြုံလိုက် သတ်ဖြတ်မှု ပစ်ခတ်မှု စာသင်ကျောင်း Post navigation အိန္ဒိယ Air India လေယာဉ်ပျက်ကျမှု — အပိုဆောင်းလျော်ကြေးပေးသော်လည်း နောင်တွင် တရားမစွဲရန် ကန့်သတ်ချက်ထုတ် ဥရောပသမဂ္ဂကို စီးပွားရေးအင်အားကြီးနိုင်ငံအဖြစ် မြှင့်တင်ရန် စျေးကွက်ပြုပြင်ပြောင်းလဲမှုနှင့် လုပ်ထုံးလုပ်နည်းများ ဖြေလျှော့ရန် ဥရောပကော်မရှင်ဥက္ကဋ္ဌ တိုက်တွန်း
