PSM(NEWS) ဧပြီ ၆ ၊ ၂၀၂၆ အာဇော့ဗ်ပင်လယ်အတွင်း ဂျုံများတင်ဆောင်လာသည့် ကုန်တင်သင်္ဘောတစ်စင်း နစ်မြုပ်ခဲ့ရာ လူတစ်ဦးသေဆုံးပြီး နှစ်ဦးပျောက်ဆုံးနေကြောင်း ရုရှားကခန့်အပ်ထားသည့် တာဝန်ရှိသူတစ်ဦးက တနင်္ဂနွေနေ့တွင် တယ်လီဂရမ် လူမှုကွန်ရက်မှတစ်ဆင့် ပြောကြားခဲ့သည်။ ယူကရိန်းနိုင်ငံ၊ ခါဆန်ဒေသ ၏ ရုရှားထိန်းချုပ်ရာ နယ်မြေများတွင် မော်စကိုက ခန့်အပ်ထားသည့် ခေါင်းဆောင် ဗလာဒီမာ ဆယ်လ်ဒို ၏ ပြောကြားချက်အရ သင်္ဘောပေါ်တွင် လိုက်ပါလာသည့် ရုရှားနိုင်ငံသား သင်္ဘောသားကိုးဦးကို ကမ်းခြေတွင် အသက်ရှင်လျက် ပြန်လည်တွေ့ရှိခဲ့ကြောင်း သိရသည်။ သေဆုံးသူမှာ သင်္ဘောကပ္ပတိန်၏ လက်ထောက်တစ်ဦးဖြစ်ပြီး ကျန်ရှိသည့် လူနှစ်ဦးမှာ ပျောက်ဆုံးနေဆဲဖြစ်ကြောင်း ဆယ်လ်ဒိုကဆိုသည်။ လက်ရှိတွင် အဆိုပါဖြစ်စဉ်နှင့် ပတ်သက်၍ စုံစမ်းစစ်ဆေးမှုများ လုပ်ဆောင်နေပြီဖြစ်ကြောင်းလည်း ၎င်းက ဆက်လက်ပြောကြားခဲ့သည်။ ကိုးကား Reuters Post navigation ကမ္ဘာတစ်ဝန်း စစ်ပွဲများ ရပ်တန့်ရန်နှင့် နယ်မြေ သိမ်းပိုက်လိုစိတ်များကို စွန့်လွှတ်ရန် အီစတာနေ့တွင် ပုပ်ရဟန်းမင်းကြီး လီယိုတိုက်တွန်း ဟော်မုဇ် ရေလက်ကြားကို အီရတ်ရေနံ တင်ဆောင်လာသည့် Petronas ငှားရမ်း သင်္ဘောဖြတ်သန်း
