PSM(NEWS) မတ် ၂၉ ၊၂၀၂၆ အမေရိကန်ပင်တဂွန်စစ်ဌာနချုပ်အနေဖြင့် အီရန်နိုင်ငံအတွင်း ရက်သတ္တပတ်ပေါင်းများစွာကြာမြင့်မည့် မြေပြင်စစ်ဆင်ရေးများ ပြုလုပ်ရန်ပြင်ဆင်လျက်ရှိကြောင်း အမေရိကန်အရာရှိကြီးများ၏ ပြောကြားချက်ကို ကိုးကား၍ ဝါရှင်တန်ပို့စ်သတင်းစာက စနေနေ့တွင် ဖော်ပြခဲ့သည်။ အဆိုပါအစီအစဉ်များတွင်အထူးစစ်ဆင်ရေးတပ်ဖွဲ့များနှင့်ပုံမှန်ခြေလျင်တပ်ရင်းများဖြင့်ဝင်ရောက်စီးနင်းတိုက်ခိုက်မှုများပါဝင်နိုင်ကြောင်းဝါရှင်တန်ပို့စ်ကဖော်ပြသည်။ သို့သော်လည်းအဆိုပါစစ်ဆင်ရေးအစီအစဉ်များကိုသမ္မတဒေါ်နယ်ထရမ့်က အတည်ပြုပေးမည်လား ဆိုသည်မှာမူရှင်းလင်းစွာမသိရသေးကြောင်း ဖော်ပြထားသည်။ ဒေါ်နယ်ထရမ့်အစိုးရသည်အီရန်စစ်ပွဲငါးပတ်မြောက်ထဲသို့ရောက်ရှိလာသည်နှင့်အမျှအမေရိကန်မရိန်းတပ်ဖွဲ့ဝင်များကိုအရှေ့အလယ်ပိုင်းဒေသသို့ဖြန့်ကြက်ချထားခဲ့ပြီး ဖြစ်သည်။ ထို့အပြင် အမေရိကန် ကြည်းတပ်၏အမှတ်၈၂လေကြောင်းချီတပ်မမှစစ်သည်ထောင်ပေါင်းများစွာကိုလည်းအဆိုပါဒေသသို့ထပ်မံစေလွှတ်ရန်စီစဉ်လျက်ရှိသည်။ ကိုးကား Reuters Post navigation ချွန်ဘူရီအနီး ပင်လယ်ပြင်တွင် အထောက်အထားမဲ့ ဒီဇယ်ဆီ လီတာ၈၅,၀၀၀တင်ဆောင်လာသည့်သင်္ဘောတစ်စင်းကိုထိုင်းအာဏာပိုင်များ ဖမ်းဆီး အမေရိကန်နိုင်ငံအထိပစ်ခတ်နိုင်သည့်ဒုံးကျည်အင်ဂျင်အသစ်ကို မြောက်ကိုရီးယား စမ်းသပ်
