PSM (News) ဇူလိုင် ၂၀၊၂၀၂၆ ၂၀၂၆ ခုနှစ် ကမ္ဘာ့ဖလားဗိုလ်လုပွဲ မကျင်းပမီ နာရီပိုင်းအလိုတွင် နယူးယောက်မြို့နှင့် နယူးဂျာစီပြည်နယ်တို့၌ မိုးသည်းထန်စွာရွာသွန်းပြီး ရေကြီးရေလျှံမှုများ ဖြစ်ပွားခဲ့သည်။ အဆိုပါဖြစ်စဉ်ကြောင့် မြို့တွင်းသွားလာမှုများ ထိခိုက်ခဲ့ပြီး ဗိုလ်လုပွဲအတွက် ပြင်ဆင်နေသည့် အသင်းများ၏ အစီအစဉ်များအပေါ် သက်ရောက်မှုများ ရှိခဲ့သည်။ မိုးလေဝသအခြေအနေ: စနေနေ့က ကျရောက်ခဲ့သော မုန်တိုင်းကြောင့် နာရီအနည်းငယ်အတွင်း မိုးရေချိန် (၂) လက်မမှ (၄) လက်မအထိ ရွာသွန်းခဲ့ပြီး ရေကြီးမှုသတိပေးချက်များ ထုတ်ပြန်ခဲ့ရသည်။ လမ်းမများပေါ်တွင် ကားများနစ်မြုပ်ခြင်း၊ မြေအောက်ရထားလိုင်းများအတွင်း ရေဝင်ရောက်ခြင်းနှင့် လေကြောင်းခရီးစဉ်များ ဖျက်သိမ်းခြင်း သို့မဟုတ် ကြန့်ကြာခြင်းများ ဖြစ်ပေါ်ခဲ့သည်။ ထို့အပြင် Yankee Stadium ၌ ကျင်းပရန်ရှိသည့် အားကစားပွဲစဉ်ကိုလည်း ရာသီဥတုအခြေအနေကြောင့် ဖျက်သိမ်းခဲ့ရသည်။ အာဂျင်တီးနားအသင်း၏ လေ့ကျင့်ရေးအစီအစဉ် (၄၅) မိနစ် ကြန့်ကြာခဲ့ပြီး စပိန်အသင်းမှာ လေ့ကျင့်ရေးအစီအစဉ်ကို လုံးဝ ဖျက်သိမ်းခဲ့ရသည်။ နယူးယောက်မြို့တော်ဝန် ဇိုရန် မမ်ဒါနီ က ရေကြီးနေသော နေရာများတွင် မသွားလာကြရန်နှင့် အများပြည်သူသယ်ယူပို့ဆောင်ရေးကိုသာ အသုံးပြုရန် လူမှုကွန်ရက်မှတစ်ဆင့် ပြည်သူများကို သတိပေးချက် ထုတ်ပြန်ခဲ့သည်။ ကိုးကား -The Sun Post navigation ဘန်ကောက်တွင် ဂိမ်းဆိုင်အသွင်ယူထားသည့်“လျှို့ဝှက်အရက်ဆိုင်” ကို ရဲတပ်ဖွဲ့ ဝင်ရောက်စီးနင်း ဒီမိုကရေစီ ထိုင်ဝမ်ကို တရုတ်၏ လက်အောက်ခံ မဖြစ်စေရ” ဟု သမ္မတ လိုင်ချင်းတယ် ပြောကြား
