PSM (NEWS) ဇူလိုင် ၂ ၊၂၀၂၆ ဘယ်လ်ဂျီယံအသင်းသည် ဗုဒ္ဓဟူးနေ့တွင် ယှဉ်ပြိုင်ကစားခဲ့သည့် ကမ္ဘာ့ဖလားဘောလုံးပြိုင်ပွဲ၏ နောက်ဆုံး (၃၂) သင်းအဆင့် ပွဲစဉ်၌ (၂) ဂိုးအရှုံးပေးထားရသည့်အနေအထားမှ ပြန်လည်ခြေစွမ်းပြပြီး ဆီနီဂေါအသင်းကို (၃-၂) ဂိုးဖြင့် အနိုင်ရရှိခဲ့သည်။ ယခုပွဲစဉ်သည် ယခုနှစ်ကမ္ဘာ့ဖလားတွင် အံ့အားသင့်ဖွယ် အကောင်းဆုံး ပြန်လည်ခြေစွမ်းပြနိုင်ခဲ့သည့် ပွဲစဉ်တစ်ခုဖြစ်သည်။ ဆီနီဂေါအသင်းသည် ပွဲချိန်ပြီးဆုံးရန် (၅) မိနစ်အလိုအထိ (၂-၀) ဂိုးဖြင့် ဦးဆောင်နေခဲ့သော်လည်း ရိုမဲလူး လူကာကူနှင့် ယူရီ တီလီမန်းတို့၏ နောက်ကျဂိုးများကြောင့် ပွဲစဉ်ကို အချိန်ပို ဆက်လက်ကစားခဲ့ရသည်။ တီလီမန်းသည် ပွဲချိန် (၁၂၅) မိနစ်တွင် ပယ်နယ်တီကန်သွင်းယူပေးခဲ့ပြီး ဘယ်လ်ဂျီယံအသင်းအား အနိုင်ရရှိစေခဲ့သည်။ အဆိုပါဂိုးသည် ကမ္ဘာ့ဖလားသမိုင်းတစ်လျှောက် နောက်ကျဆုံးဂိုးအဖြစ် စံချိန်တင်ခဲ့သည်။ “ဒီလိုပြန်လည်ခြေစွမ်းပြနိုင်တဲ့ပွဲစဉ်မှာ ပါဝင်ခွင့်ရတာ ဂုဏ်ယူမိပါတယ်။ အနိုင်ရဖို့အတွက် နောက်ဆုံး (၂) ဂိုးကို သွင်းယူပေးနိုင်ခဲ့တာက တကယ်ကို ဂုဏ်ယူစရာကောင်းပါတယ်။ အသင်းကို အောင်ပွဲခံနိုင်အောင် ကူညီပေးနိုင်ခဲ့လို့ ဝမ်းသာပါတယ်” ဟု တီလီမန်းက ပြောကြားခဲ့သည်။ ပွဲစဉ်အပြီး ပယ်နယ်တီကန်သွင်းရမည့် အခြေအနေရှိနေစဉ်အတွင်း ဘယ်လ်ဂျီယံအသင်းအတွက် ပယ်နယ်တီရရှိခဲ့ပြီး ဗီဒီယိုပြန်လည်ကြည့်ရှုစစ်ဆေးမှု (VAR) အပြီးတွင် အနိုင်ဂိုးအဖြစ် သတ်မှတ်ခဲ့ခြင်းဖြစ်သည်။ ဆီနီဂေါအသင်းနည်းပြ ပါပီ သီယော့ကမူ ဒိုင်လူကြီး၏ ဆုံးဖြတ်ချက်အပေါ် မှတ်ချက်ပေးရန် ငြင်းဆန်ခဲ့သည်။ ဘယ်လ်ဂျီယံအသင်းသည် လာမည့်တနင်္လာနေ့တွင် ဆီယက်တဲလ်မြို့၌ အမေရိကန်အသင်းနှင့် ယှဉ်ပြိုင်ကစားရမည်ဖြစ်သည်။ ကိုးကား-AP Post navigation ကွန်ဂိုကို ၂-၁ ဂိုးဖြင့် အနိုင်ယူပြီး ကမ္ဘာ့ဖလား ၁၆ သင်းအဆင့်သို့ အင်္ဂလန် တက်လှမ်း လစ်သူယေးနီးယားတွင် နျူကလီးယားလက်နက် တားမြစ်ချက်အား ရုပ်သိမ်းရန် စီစဉ်နေ
