PSM(NEWS) ဖေဖော်ဝါရီ ၁၅၊ ၂၀၂၆ ယူကရိန်းသမ္မတ ဗိုလိုဒီမာ ဇလန်းစကီးကရုရှားသမ္မတ ဗလာဒီမာ ပူတင် ကို “စစ်ပွဲ၏ကျွန်”တစ်ဦးအဖြစ်မြူးနစ်လုံခြုံရေးညီလာခံတွင်ခေါ်ဆိုလိုက်ပြီးယူကရိန်းအတွက် ခိုင်မာသော လုံခြုံရေးအာမခံချက်များ ပေးရန်တိုက်တွန်းပြောကြားခဲ့သည်။ “သူ့ကိုယ်သူဇာဘုရင်တစ်ပါးလို ထင်မြင်နေနိုင်ပေမဲ့ လက်တွေ့မှာတော့ သူဟာ စစ်ပွဲရဲ့ကျွန်တစ်ယောက်သာဖြစ်ပါတယ်”ဟုဗိုလိုဒီမာဇလန်းစကီးကရုရှားခေါင်းဆောင်ကိုရည်ညွှန်းပြောဆိုခဲ့သည်။ ငြိမ်းချမ်းရေးရယူရန်အခွင့်အရေးကိုလက်မလွှတ်ရန်နှင့်အမြန်ဆုံးအကောင်အထည်ဖော်ရန်အမေရိကန်သမ္မတ ဒေါ်နယ် ထရန့် က တိုက်တွန်းထားမှုကြောင့် အနည်းငယ်ဖိအားဖြစ်မိကြောင်းဗိုလိုဒီမာဇလန်းစကီး က ဝန်ခံခဲ့သည်။ အမေရိကန်ပြည်ထောင်စုသည်ရုရှားကိုလိုက်လျောရန် တောင်းဆိုမည့်အစား ယူကရိန်းကိုသာလိုက်လျောမှုများပြုလုပ်ရန် မကြာခဏတောင်းဆိုနေခြင်းကို ၎င်းက မကျေမနပ် ပြောဆိုခဲ့သည်။ အမေရိကန်က၁၅နှစ်သက်တမ်းရှိလုံခြုံရေးအာမခံချက်ပေးရန်အဆိုပြုထားသော်လည်းယူကရိန်းအနေဖြင့် အနည်းဆုံး အနှစ် ၂၀သက်တမ်းရှိအာမခံချက်ကို လိုလားနေသည်။ ရုရှား၏တိုက်ခိုက်မှုများကြောင့်ယူကရိန်းရှိလျှပ်စစ်ဓာတ်အားပေးစက်ရုံ အားလုံးနီးပါးထိခိုက်ပျက်စီးခဲ့ရသော်လည်းလျှပ်စစ်ဓာတ်အားကိုဆက်လက်ထုတ်လုပ်နေဆဲဖြစ်ကြောင်း သိရသည်။ ကိုးကားThe Independent #စစ်ပွဲ၏_ကျွန် #ဇလန်းစကီး #မြူးနစ်ညီလာခံ #ပူတင် #လုံခြုံရေးအာမခံချက် #PSM_News Post navigation ရုရှားရေနံအပေါ် G7 နိုင်ငံများ၏ ရေကြောင်းပို့ဆောင်ရေး ပိတ်ပင်မှုအပေါ် ပြင်သစ်အကောင်းမြင် အမေရိကန်က ပိတ်ဆို့မှုများ ရုပ်သိမ်းရေး ဆွေးနွေးမည်ဆိုပါက နျူကလီးယားသဘောတူညီချက်အတွက် လိုက်လျောမှုများ ပြုလုပ်ရန် အီရန်အဆင်သင့်ဖြစ်ဟုဆို
