PSM (News) စက်တင်ဘာ ၇၊ ၂၀၂၆ အစ္စရေးနိုင်ငံဆိုင်ရာ အမေရိကန် သံအမတ်ကြီး မိုက်ကယ် ဟပ်ကဘီ သည် အနောက်ဘက်ကမ်းဒေသ ရှိ ပါလက်စတိုင်းမြို့တစ်မြို့ဖြစ်သော တူမူစ် အာယာသို့ သွားရောက်ခဲ့ပြီး အစ္စရေး အခြေချနေထိုင်သူများ၏ အကြမ်းဖက်မှုကြောင့် သေဆုံးခဲ့ရသည့် အမေရိကန် နိုင်ငံသားများ၏ မိသားစုဝင်များနှင့် တွေ့ဆုံခဲ့ကြောင်း သတင်းရရှိသည်။ ယခုကဲ့သို့ သံအမတ်ကြီး၏ ခရီးစဉ်မှာ အနောက်ဘက်ကမ်းဒေသတွင် အစ္စရေး အခြေချနေထိုင်သူများ၏ အကြမ်းဖက်မှုများ မြင့်တက်လာခြင်းနှင့် အစ္စရေးအစိုးရ၏ တုံ့ပြန်ဆောင်ရွက်မှု အားနည်းချက်များအပေါ် နိုင်ငံတကာ၏ ဝေဖန်ရှုတ်ချမှုများ မြင့်တက်နေချိန်တွင် ထွက်ပေါ်လာခြင်း ဖြစ်သည်။ တူမူစ် အာယာမြို့၏ မြို့တော်ဝန် နာဝပ်ဖ် ဇာဂိုး ၏ ပြောကြားချက်အရ အဆိုပါမြို့ရှိ လူဦးရေ သုံးထောင်ခန့်၏ ၈၀ ရာခိုင်နှုန်းမှာ အမေရိကန်-ပါလက်စတိုင်း နှစ်နိုင်ငံသားများ ဖြစ်ကြပြီး မြို့ခံများအနေဖြင့် အခြေချနေထိုင်သူများ၏ အဆက်မပြတ် တိုက်ခိုက်မှုများကို ရင်ဆိုင်နေရကြောင်း သိရသည်။ သံအမတ်ကြီး ဟပ်ကဘီက အဆိုပါ အကြမ်းဖက်မှုများကို ကျူးလွန်နေသူများအား ဥပဒေအရ အပြင်းအထန် အရေးယူဆောင်ရွက်ရန် လိုအပ်ကြောင်း တိုက်တွန်းပြောကြားခဲ့သော်လည်း ဤကဲ့သို့ ကျူးလွန်နေသူများမှာ အခြေချနေထိုင်သူ လူ့အသိုက်အဝန်းအတွင်းမှ လူနည်းစုမျှသာ ဖြစ်သည်ဟု မိမိယုံကြည်ကြောင်း ထည့်သွင်းပြောဆိုခဲ့သည်။ သို့သော် ဒေသခံ ပါလက်စတိုင်း-အမေရိကန် နိုင်ငံသားများနှင့် တာဝန်ရှိသူများကမူ အဆိုပါ အကြမ်းဖက်မှုများမှာ လူနည်းစုမျှသာ လုပ်ဆောင်နေခြင်းမဟုတ်ဘဲ လူထောင်ပေါင်းများစွာ ပါဝင်ပတ်သက်နေကြောင်း ငြင်းဆိုခဲ့ကြပြီး၊ အမေရိကန်အစိုးရအနေဖြင့် အစ္စရေးအာဏာပိုင်များအပေါ် ဖိအားပေးကာ ပြစ်မှုကျူးလွန်သူများကို ထိရောက်စွာ ဖမ်းဆီးအရေးယူပေးရန် တောင်းဆိုခဲ့ကြသည်။ ၂၀၂၄ ခုနှစ်မှစ၍ ယခုအချိန်အထိ အနောက်ဘက်ကမ်းဒေသအတွင်း အစ္စရေးစစ်တပ် သို့မဟုတ် အခြေချနေထိုင်သူများ၏ တိုက်ခိုက်မှုများကြောင့် ပါလက်စတိုင်းန်-အမေရိကန် နိုင်ငံသား အနည်းဆုံး ခြောက်ဦး သေဆုံးခဲ့ပြီးဖြစ်ကြောင်း သတင်းဌာနများက ဖော်ပြထားသည်။ ကိုးကား-Reuters Post navigation မီးတောင် မီးခိုးပြာများကြောင့် ချန်ဂီနှင့် ဂျာကာတာလေဆိပ်များတွင် လေကြောင်းခရီးစဉ်များ ရပ်ဆိုင်းခဲ့ရပြီး ခရီးသွားလာမှုများ ပြတ်တောက်လျက်ရှိ ယူကရိန်းငြိမ်းချမ်းရေးအတွက်အမေရိကန်ကိုယ်စားလှယ်များကိယက်ဗ်သို့သွားရောက်
